Search Site
Our People
Home >> Our Kōrero >> News >> Tuhoe in the News >> TE HUI AHUREI Ā TŪHOE – “National Community Award Winner”
TE HUI AHUREI Ā TŪHOE – “National Community Award Winner”
5 November 2013
Kua puta mai te rongo nui whakahirahira e pā ana ki tā tātau Hui Ahurei. TE HUI AHUREI Ā TŪHOE – “National Community Award Winner” mo ngā mahi whakapiki i te ora o te Reo Maori TE TIRA AUMANGEA - TE TOHU REO MAORI (Te Hapori).
 
Kua ono tau a Te Kaokao o Takapau e tono atu ana i tētahi putea awhina mai i te “Mā Te Reo” Tahua a Te Taura Whiri i te Reo Maori mo Te Hui Ahurei ā Tuhoe. Mai ano ka tautoko a Te Taura Whiri i te kaupapa o Te Ahurei – ka tuku tahua mai, rauemi mai hei awhina i to tātau iwi. Me te aha kua tipu he here whanaungatanga i waenga i a Te Taura Whiri i te Reo Maori me Te Kaokao o Takapau, me Tuhoe.
 
I tenei tau kua toa Te Hui Ahurei a Tūhoe i te Tohu ā iwi mo te Hapori, TE TOHU REO MAORI: Te Hapori – Te Tira Aumangea ‘National Community Award’ mo ngā mahi whakapiki i te ora o te Reo Maori.
 
Ka harikoa ake mo tenei honore kua uhia nei ki runga i tā tātau kaupapa, Te Hui Ahurei ā Tuhoe.
 
Ko Wharehuia Milroy ano hoki tetahi e whakahonore ana i tenei hui, ko tona tohu ko te ‘Supreme Award’ mo Te Reo Maori mo tenei tau.
 
Kua tono mai a Te Kaokao kia tukuna atu kia tekau o te iwi ki te Rā Whakanui ka tu i Turanganui a te 15 Noema, 2013. Ko Te Taura Whiri kei te whakarite mai i ngā tikiti, hei utu i te/ngā waka haere ki te Hui Whakanui mo te hunga tekau o Tuhoe e haere ana.
 
Ko te roopu e haere ana e whai ake nei:
 
Te Manatu Ahurea ā Tūhoe: Tiwi Black, Haromi Williams, Hori Uatuku, Tamihana Biddle, Te Makarini Temara, Pou Temara
 
Hapori: Turuhira Hare, Te Uru McGarvey
 
Te Kaokao: Te Waiarani Harawira, Ray Tuhaka

Item Comment

Blog Post TE HUI AHUREI Ā TŪHOE – “National Community Award Winner”
Comment
Are you a machine? If not please enter nothing in here:
Your Name

Iwi Registration

The purpose of Iwi Registration is to build the Tūhoe nation by registering in a central place the descendants of Tūhoe tipuna Tūhoe or Potiki and those who affiliate to a Tūhoe Marae and Tūhoe Hapū.  Your Iwi Register is based on Tūhoe whānau and Tūhoe hapū.

Home >> Our Kōrero >> News >> News Feed Back to top